काठमाडौं।
राज्यमन्त्रीको मानमर्दन गरेको भन्दै ऊर्जा जलस्रोत तथा सिँचाई मन्त्रालयका ऊर्जा सचिव सुरेश आचार्यलाई स्पस्टीकरण सोधिएको छ । सोही मन्त्रालयका राज्यमन्त्री पूर्णबहादुर तामाङले स्पष्टिकरण सोधेका हुन् ।

सचिव आचार्यले ‘ऊर्जा राज्य मन्त्री तामाङ सहभागी कार्यक्रममा आफू बस्न तयार नभएको’ भन्दै गत चैत २५ गते आयोजित सिँचाई दिवसको कार्यक्रममा सहभागी नभएको बताइएको छ । सोही अभिव्यक्तिलाई लिएर आफूलाई अपमानित गरेको भन्दै आज राज्यमन्त्री तामाङले विहीबार २४ घण्टे स्पष्टीकरण सोधेका हुन् । आचार्यलाई पदीय आचरण अनुसार काम नगरेको र निजामती सेवा ऐन वर्खिलाफ काम गरेको भन्दै सोही ऐनको दफा६९ अनुसार कारबाही किन नगर्ने भनी स्पष्टीकरण सोधिएको छ ।