काठमाडौँ ।
ठेकेदारको ढिला सुस्तीका कारण सुनकोशी मरिन डाइभर्सन बहुउदेश्यीय आयोजनाको काम निर्धारित समयमा सम्पन्न नहुने देखिएको छ ।

आयोजनाको सुस्तगति प्रति प्रधानमन्त्री केपी ओलीले समेत चासो देखाउँदै निर्मााण कम्पनीको ठेक्का तोड्ने सम्मको चेतावनी दिएका छन् । आइतबार ऊर्जा, जलस्रोत तथा सिंचाईमन्त्री दीपक खड्काले पनि स्थलगत अनुगमन गरी तोकिएकै समयमा सम्पन्न ग निर्देशन दिएका छन् ।

सिन्धुलीमा निर्माणाधीन सो आयोजनाको ⁠१३.२ किलोमिटर सुरूङ निर्माण सकिएको छ । सुरूङ टिबीएम प्रयोगगरी निर्माण गरिएको थियो । हेडवक्र्सको काम भने निर्माण कम्पनीले तिव्रता दिन सकेको छैन । निर्धारित कार्यतालिका अनुसार अहिले सम्म आयोजनाको हेडवकर्सको काम ५० प्रतिशत सम्पन्न हुनुपर्ने थियो तर यो प्रगति १० प्रतिशतमै सिमित छ ।

“अयोजना निर्माणको कामलाई तीव्र गतिमा अगाडी बढाउनुस, काम तेकिएकै समयमा सक्नेगरी लाग्नुहोस, ⁠कार्यप्रगतिको आधारमा बजेट पर्याप्त आउनेछ, मन्त्री खड्काले ठेकेदारका प्रतिनिधिलाई भने, लक्ष्य प्राप्ती गर्नका लागि काम गर्नुभएन भने सरकारले विकल्प सोच्छ ।”

करिव एक लाख २२ हजार हेक्टर जमिनमा सिचाई हुने र ३२ मेगावाट विद्युत उत्पादन हुने र कुल पानीको १० प्रतिशत खानेपानीका लागि उपयोगमा ल्याउने गरी सो बहुउदेश्यीय आयोजना बनाउन लागिएको हो ।

१४ अर्ब रुपैयाँ लागतको सो आयोजनामा आयोजनामा हालसम्म एक अर्व २० करोड रुपैयाँ मोविलाइजेशन खर्च परिचालन गरिसकेको सिँचाइ विभागले जनाएको छ । हेडवर्कस निर्माणको ठेक्का रमन कन्ट्रक्सनले पाएको छ । मन्त्रीसहित उच्च पदस्तको अनुगमनमा कम्पनीका प्रतिनिधी रमन पटेलले सिँचाइ विभागबाट हुने भुक्तानी बेलैमा नभएका कारण आयोजना निर्माणमा केही ढिलाई भएको जानकारी मन्त्रीलाई गराएका थिए । उनले सरकारले सहयोग गरे आफूहरुले समयमै आयोजना सम्पन्न गर्ने दाबी गरे ।

परमर्शदाता स्मेक कन्सल्यान्टका प्रतिनिधी दिवस श्रेष्ठले आयोजना निर्माणको काम चित्तबुझ्दो नभएको बताएका छन् । समयमै काम सम्पन्न गर्नका लागि आफूहरुले ठेकेदार कम्पनीलाई निरन्तर खवदारी गरिरहेको दाबी उनको थियो ।

यो आयोजना सुनकोशी नदीको पानी बागमती नदीको सहायक नदी मरिन खोलामा स्थानान्तरण गर्ने अन्तर–बेसिन स्थानान्तरण आयोजना हो । रौतहट, धनुषा, महोत्तरी, सर्लाही र बारामा थप एक लाख २२ हजार हेक्टर जमिनमा सिँचाइ गर्न यो प्रवाह वाग्मती सिँचाइ प्रणालीमा छोडिनेछ ।

परियोजनाको डिजाइन प्रवाह ६७ वर्गमिटररसेकेन्ड छ। सुनकोशी नदीमा १२ मिटर अग्लो डाइभर्सन बाँध रहेको छ। यो प्रवाह १३.३ किलोमिटर लामो सुरुङ मार्फत स्थानान्तरण गरिएको छ। परियोजनामा ​​३१.०७ मेगावाट बिजुली उत्पादन गर्ने पावर स्टेशन पनि छ। पावरहाउस कमलामाई नगरपालिकामा अवस्थित छ।आयोजना आव २०८५/८६ मा सम्पन्न गर्ने लक्ष्य छ।