काठमाडौं
नेपाल भित्रने रेमिट्यान्स मुलकभर संकलन हुने राजश्व तथा अन्य आयको हिस्साभन्दा धेरै देखिएको छ । नेपाल राष्ट्रबैंकले विहीबार सार्वजनिक गरेको तथ्याङ्क अनुसार चालु आर्थिक वर्ष २०८१८२ को पहिलो आठ महिनामा १० खर्ब ५१ अर्ब ७७ करोड रुपैयाँले रेमिट्यान्स भित्रिएको छ । आठ महिनाको तथ्याङ्क अनुसार समीक्षा अवधिमा रेमिट्यान्स आप्रवाहमा ९।४ प्रतिशतले वृद्धि भएको छ ।

अघिल्लो वर्षको सोही अवधिमा रेमिट्यान्स आप्रवाह १८.३ प्रतिशतले बढेको थियो । अमेरिकी डलरमा रेमिट्यान्स आप्रवाह ६.९ प्रतिशतले वृद्धि भई सात अर्ब ७४ करोड पुगेको छ । अघिल्लो वर्ष यस्तो आप्रवाह १६.१ प्रतिशतले बढेको थियो ।

तर समग्र राज्य संरचना परिचालन तथा विकास परिचालनका लागि सरकारले देशभित्र उठाउने र विदेशबाट पाउने रकम समेत यो भन्दा निकै कम छ । महालेखा नियन्त्रक कार्यालयको तथ्याङ्क अनुसार फागुन मसान्तसम्म सरकारले ७ खर्ब ३८ अर्व रुपैयाँ प्राप्त गरेको छ। र यो रकम करमात्र नभएर विदेशी अनुदानसमेत हो । समिक्षा अवधिमा सरकारले ७ खब २० अर्ब रुपैयाँ कर राजश्व, ९ अर्व अनुदान र ९ अर्ब अन्य आय प्राप्त भएको देखिन्छ । राजश्व तर्पm कर राजश्व को हिस्सा ६ खर्ब ३८ अर्ब मात्रै छ । ८१ अर्ब रुपैयाँ गैर कर राजश्व संकलन भएको देखिन्छ ।

यस अनुसार फागुन मसान्त सम्म सरकारले प्राप्त गरेको रेमिट्यान्स कुल राजश्व भन्दा ३ खर्ब १३ अर्ब रुपैयाँले बढी हो । मुलुक भित्र आर्थिक सिथिलता र रोजगारीको अभावका कारण युवा विदेश पलायन हुने क्रम बढेसँगै मुलुकको अर्थतन्त्रमा राजश्वको हिस्सा कमजोर र रेमिट्यान्सको हिस्सा बलियो बन्दै गएको हो ।