काठमाडौँ
विदेशबाट आयातितसहित नेपालमै उत्पादित तेलसमेत भारत निकासी हुन थालेपछि मुलुकभित्र खाने तेलको मुल्य वृद्धि हुन थालेको छ । पछिल्लो छ महिनामा मात्र प्रतिलिटर ४० रुपैयाँ सम्म महँगो बनेको तोरी तेलको भाउ दशैं तिहार नजिकिँदै गर्दा अझै बढ्ने देखिएको छ ।
नगत फागुनमा प्रतिलिटर ३७० रुपैयाँमा कारोबार हुने स्थानीय भुटेको तोरीको तेलको मूल्य अहिले प्रतिलिटर ४१० रुपैयाँ पुगेको छ भने बढी खपत हुने काँचो तोरीको तेल प्रतिलिटर ३१०बाट बढेर ३५० पुगेको छ । सुर्यमुखीको भनिने तेल २१०बाट बढेर २५०मा कारोबार भइरहेको छ ।

नेपाल खुद्रा ब्यापार संघका अनुसार प्रशोधन भएको तेल भारत निर्यात गर्ने हुँदा नेपालमा तेलको मूल्य बढ्दोक्रममा छ । चाडपर्व नजिकिएसँगै तेल लगायत खाद्यवस्तु महँगा बन्दै जाने हुन्छ ।

तेल उत्पादक उद्योगीले भने खानेतेल भारतमा निर्यात गरेर मूल्य बढेको नभई विश्वभर नै कच्चा पदार्थको मुल्यवृद्धि भएका कारण थोरै बढेको बताउँदै आएका छन् ।