काठमाडौं ।

जेन जी ले भ्रष्टाचारविरूद्धको आन्दोलन निर्णायक मोडमा पुगेसँगै अन्तरिम मन्त्री परिषदमा अभियन्ता सुदन गुरूङ पनि सहभागि हुने भन्दै अफवाह फैलाइएको भन्दै हामी नेपाल नामक संस्थाले खण्डन गरेको छ।

हामी नेपालले ‘जेन जी’ को व्यापक सहभागिता रहेको सामाजिक सञ्जाल च्यानल डिस्कर्डमार्फत यस्तो अफवाहको खण्डन गरेको हो। संस्थाले भनेको छ, आफूहरू भ्रष्टाचारविरूद्धको अभियानमा मात्र सहभागि भएको र चुनावी मन्त्री परिषदमा आफ्ना कुनै पनि अभियन्ताहरू सहभागि हुनेछैनन् ।

हामी नेपालले दक्ष र योग्य व्यक्ति जसले इमान्दारिताका साथ हामी नेपाल अभियानको मूल उद्देश्य पुरा गर्न सक्छ, त्यस्तो व्यक्तिलाइ मात्र अन्तरिम सरकारमा सहभागिताको अवसर बताएको छ।

हामी नेपालले ‘जेन जी’ को भ्रष्टाचारविरोधी अभियान सामूहिक अभियान भएको जनाउँदै ऐतिहासिक आन्दोलनको सफलताका लागि सबैमा आभार व्यक्त गरेकोछ।