काठमाडौः
दिनभर समाधान निकाल्ने प्रयास विफल भए पछि महशुल विवादमा रहेका उद्योगहरुको विद्युत् आपूर्ति विच्छेद गर्न थालिएको छ ।

असोज २४को सार्वजनिक सूचना अनुसार महशुल भुक्तान गर्न नआएको भन्दै नेपाल विद्यु्त् प्राधिकरणका सम्बन्धित क्षेत्रीय कार्यालयहरुले आफू मातहतका त्यस्ता उद्योगको विद्युत काटिदिएका हुन ।

पछिल्लो जानकारी अनुसार प्राधिकरण क्षेत्रीय कार्यालय रुपन्देहीले भैरहवा क्षेत्रका त्यस्ता उद्योगको विद्यु्त् लाइन काट्न थालि सकेको छ । लाईन काट्ने काम जारी रहेको र थप विवरण आई नसकेको नेपाल विद्युत प्राधिकरण केन्द्रिय कार्यालयले जनाएको छ ।

बीरगञ्ज, नेपालगञ्ज र बुटबल क्षेत्रका उद्योगहरुका लाइन आजै काटिने जानकारी प्राधिकरणका एक अधिकारीले दिए ।
हुलास, जगदम्बा, हामा, अशोक स्टील, त्रिवेणी स्पीनीङ, त्रिवेणी सिन्थेटिक, हिमाल स्टील, कसमस सिमेन्ट, एभरेष्ट पेपरका लाइन आज राति नै काटिने स्रोतले जानकारी दियो ।
हुलास स्टीलको १४ करोड १२ लाख, जगदम्बाको १ अर्ब ६० करोड, १८ लाख, हामाको ५ करा्ेड ८५ लाख, अशोक स्टीलको १४ करोड १२ लाख, त्रिवेणी स्पीनीङको ३२ करोड ९ लाख, त्रिवेणी सिन्थेटिकको ४ करोड ३९ लाख, हिमाल स्टीलको १३ करोड ६५ लाख, कसमस सिमेन्टको ९ करोड ७७ लाख, एभरेष्ट पेपरको ९ करोड ४४ लाख रुपैयाँ बक्यौता छ ।