काठमाडौः
डेडिकेटेड र ट्रङ्कलाईन महशुल विवादमा रहेका ४९ मध्ये १३ वटा उद्योगहरुले प्रिमियम वापतको वक्यौता रकम किस्ताबन्दीमा तिरेको छन् ।

पछिल्लो पटक सरकारी स्वामित्वको उदयपुर सिमेन्ट उद्योग ले किस्ता तिरेको हो । यस अघि निजी क्षेत्रको ठूलो उद्योग सर्बोत्तम सिमेन्टले किस्ता तिरेको थियो।

नेपाल विद्युत् प्राधिकरणले गत असोज २४ गते ४९ उद्योग र तीनले तिर्नुपर्ने रकम सहितको सार्वजनिक सूचना गरेको थियो । ती मध्ये अन्तिम दिन कात्र्तिक ८ गते ६ उद्योगहरुले किस्ताबन्दी सुविधामा बाँकी बक्यौता महशुल भुक्तान गरेपछि उनीहरुको लाईन काटिएन ।

८ गते राति कुल ३४ उद्योगहरुको लाइन काटिएको थियो । रिलायन्स स्पिनिङ मिल्ससहित सात उद्योगहरुको मुद्धा सुनसरी जिल्ला अदालतमा विचाराधिन अवस्थामा रहेकाले उनीहरुको काटिएको थिएन । २ सरकारी उद्योग उदयपुर सिमेन्ट र हेटौडा सिमेन्टले आपसी हिसाव मिलानमा सहमति जनाएकाले काटिएको थिएन ।

नेपाल विद्युत् प्राधिकरण ग्राहक सेवा निर्देशनालयका प्रमुख उपकार्यकारी निर्देशक मनोज सिलवालले वक्यौता महशुल भुक्तानीका लागि उद्योगीहरु सम्पर्कमा आउने क्रम बढेको जनाउँदै मँगलबार सरकारी स्वामित्वको उदयपुर सिमेन्ट उद्योगले सम्पूर्ण बाँकी बँयौता २८ किस्ताको सुविधा अनुसार पहिलो किस्ता तिरेको छ ।

उनका अनुसार हेटौडा सिमेन्ट उद्योगले पनि तिर्ने प्रक्रियामा गइसकेको छ । सिलवालले कुनै पनि उद्योगले महशुल भुक्तान गर्न आएमा तिहारको सार्वजनिक विदाका दिनमा समेत वक्यौता लिने र विद्युत् लाईन् जोडने प्रबन्ध मिलाएको जानकारी दिए । उनले भने, “४९ ग्राहकमध्ये १३ ले किस्ता रकम बझाएका छन्, अव तिहारको विदामा पनि बुझाउन आए महशुल बुझेर विद्युत लाईन जडान गरिनेछ ।”