संखुवासभा ।

जलवायु परिवर्तनका कारणले संखुवासभाको चारसहित कोशी प्रदेशका ४२ हिमताल उच्च जोखिममा परेको पाइएको छ । एसियाली माउन्टेनियरिङ तथा विकास केन्द्र (इसिमोड) ले शुक्रबार सदरमुकाम खाँदबारीमा अन्तरक्रियाका क्रममा यस्तो यस्तो तथ्याङ्क सार्वजनिक गरेको हो ।

२०२० को अध्ययन प्रतिवेदन अनुसार नेपालमा दुई हजार ६९ हिमतालमध्ये उलेख्य संख्यामा कोशी प्रदेशमा छन् । तीमध्ये ४२ वटा हिमताल उच्च जोखिमयुक्त सूचीमा परेको इसिमोडका अनुसन्धानकर्ता शरदप्रसाद जोशीले बताए । पछिल्लो वर्षमा तापक्रम लगातार बढ्नु, हिमनदीको बरफ छिटो पग्लिनु र तलतिर असन्तुलित रूपमा ढुङ्गा, माटोको थुप्रो जम्नुले हिमताल फुट्ने जोखिम झनै बढाएको छ ।
हिमताल फुट्ने अवस्थाले अरुण उपत्यकाका बस्ती, कृषि क्षेत्र तथा भौतिक पूर्वाधारमा ठुलो क्षति पु¥याउन सक्ने चेतावनी विज्ञहरूले दिएका छन । साथै तिब्बततर्फबाट बगेर आउने १३ हिमताल पनि उत्तरी भेगका समुदायका लागि खतरायुक्त रहेको कार्यक्रममा जानकारी गराइएको थियो ।

सङ्खुवासभामै भोटखोला र मकालु क्षेत्रका चार हिमताल उच्च जोखिमयुक्त छन । तीमध्ये तल्लो वरुण क्षेत्रमा रहेको ठुलोपोखरी हिमताल सबैभन्दा संवेदनशील मानिएको जोशीले बताउनुभयो । करिब तीन किलोमिटर लम्बाइ र २०६ मिटर गहिरो सो हिमताल वरपर १५ देखि २५ मिटर गहिराइ देखिनु जोखिमको सङ्केत गरेको उनले बताए ।

जल तथा मौसम विज्ञान विभाग र संयुक्त राष्ट्रसङ्घ (युएनडीपी) नेपालको सहकार्यमा चार उच्च जोखिमयुक्त हिमतालका लागि जोखिम न्यूनीकरण तथा व्यवस्थापन कार्यव्रmम सञ्चालनमा छ । सोही योजनामा तल्लो वरुणको ठुलोपोखरी पनि समावेश छ ।