काठमाडौं
पूर्वाधारको पनि पूर्वाधार मानिने नेपालको सडक विस्तारको आँकडामा भने उल्लेख्य प्रगति हुने सकेको देखिएको छैन । सडक विभागको विवरण मुलुकभर सडकको कुल लम्बाइ हालसम्म ३४ हजार दुई सय ६७ किलोमिटर पुगेको छ । विभागका महानिर्देशक रामहरि पोखरेले आइतबार समिक्षा गोष्ठिमा दिएको विवरण अनुसार आव २०८०र८१ को फागुन मसान्तसम्म १८ हजार दुई सय ४१ किलोमिटर कालोपत्रे, सात हजार ६ सय ९७ किलोमिटर ग्राभेल र आठ हजार तीन सय २० किलोमिटर कच्ची सडक उपलब्ध छ ।
गत आवमा सडक निर्माणका लागि भनेर सरकारले करिब १ खर्ब सात अर्ब २६ रुपैयाँ बजेट छुट्याएको थियो त्यसमा ६९ दशमलव ५२ प्रतिशतमात्र खर्च भएको छ ।
विवरण अनुसार राष्ट्रिय गौरवका आयोजनामध्ये पुष्पलाल (मध्यपहाडी) राजमार्ग आयोजनाअन्तर्गत एक हजार चार सय ५२ किलोमिटर सडक र एक सय पाँच पुल निर्माण सम्पन्न भएको छ । हुलाकी राजमार्ग आयोजनाको भौतिक प्रगति ६६ दशमलव ११, वित्तीय प्रगति ६१ दशमलव (( प्रतिशत र कोशी करिडोरमा दुई किमी सडक कालोपत्र र १० वटा पुलको निर्माण सम्पन्न भएको छ ।
विवरण अनुसार कालीगण्डकी करिडोर आयोजनाअन्तर्गत गैंडाकोट–राम्दी–मालढुङ्गा खण्ड (दुई सय ४५ किमी) अन्तर्गत एक सय ९० किमी र मालढुङ्गा–बेनी–जोमसोम खण्ड (दुई सय दुई किमी) अन्तर्गत ५१ किमी कालोपत्रे सडक निर्माण भएको छ । यसैगरी, कर्णाली करिडोरअन्तर्गत (दुई सय ६( किमी) हुम्ला जिल्ला सदरमुकाम सिमीकोट पनि राष्ट्रिय सडक सञ्जालमा जोडिएको विभागको तथ्याङ्कमा उल्लेख छ। पूर्व–पश्चिम विद्युतीय रेलमार्गअन्तर्गत बर्दिबास निजगढमा ६५ किमी ‘ट्र्याकबेड’ र १३ वटा रेलवे पुलको निर्माण भएको छ ।