जल तथा मौसम विज्ञान विभागको बाढी पूर्वानुमान महाशाखाले असार २, सोमबारका लागि १४ जिल्लाका लागि पहेँलो रङ अर्थात् एल्लो  एलर्ट दिएको छ। यो सूचीमा संखुवासभा, सोलुखुम्बु, दोलखा, सिन्धुपाल्चोक, सिन्धुली, खोटाङ, स्याङजा, लमजुङ, कास्की, पर्वत, बागलुङ, म्याग्दी, डोटी र डडेलधुरा छन्।

बाढी महाशाखाका अनुसार आज पूर्वदेखि पश्चिमसम्म ३७ जिल्ला र आसपासका जिल्लमा बाढीको जोखिम छ।

बाढी महाशाखाले सूचनामा भनेको छ : आज इलाम, धनकुटा, तेहथुम, ओखलढुंगा, भोजपुर, ताप्लेजुङ, संखुवासभा, सोलुखुम्बु, दोलखा, सिन्धुपाल्चोक, सिन्धुली, खोटाङ, काभ्रे, मकवानपुर, सल्यान, गोरखा, तनहुँ, स्याङजा, लमजुङ, कास्की, पर्वत, बागलुङ, म्याग्दी, जाजरकोट, बैतडी, दार्चुला, बझाङ, डोटी, डडेलधुरा, कैलाली, कञ्चनपुर, बाँके, दाङ, रुकुमपश्चिम, रुकुमपूर्व, रुपन्देही, प्युठान र आसपासका जिल्ला मई वहने अधिकांश ससाना नदीमा बहाब सामान्य बढ्ने पूर्वानुमान रहेकाले नदी तटीय क्षेत्रमा सतर्कता अपनाउनहुन अनुरोध छ।