काठमाडौंः
विद्युत् विकास विभागले चालु आर्थिक वर्षको पहिलो तीन महिनामा बायु ऊर्जा सहित १० आयोजनाको सर्वेक्षण लाईसेन्स जारी गरेको छ ।

विभागले यो अवधिमा १० मेगावाटको वायु ऊर्जा आयोजनाको पनि अनुमति दिएको छ । जुन नेपालका लागि पहिलो र ठूलो समेत हुनेछ ।

विभागकाअनुसार जलविद्युत तर्फ सातवटा आयोजनाको सर्वेक्षण अनुमतिपत्र प्रदान गरेको छ । ती आयोजनाको कुल क्षमता ६९.२ मेगावाट रहेको छ । सौर्य ऊर्जातर्फ दुईवटा आयोजनाको कुल ४० मेगावाट जडित क्षमता छ ।

विद्युत्् उत्पादन तर्पm यो अवधिमा २१० मेगावाट क्षमताको चैनपुर सेती जलविद्युत् आयोजनाको विद्युत् उत्पादन अनुमतिपत्र जारी गरिको छ । अन्य १२ वटा आयोजनालाई पनि उत्पादन अनुमतिपत्र प्रदान गरिएको छ । ती आयोजनाको क्षमता ३५३.२ मेगावाट छ ।

सौर्य ऊर्जातर्फ दुई आयोजनालाई विद्युत् उत्पादन अनुमतिपत्र प्रदान गरेको र तिनको कुल क्षमता १७ दशमलव तीन मेगावाट रहेको जनाइएको छ ।

यसबीचमा विभागले तीन सय ७० दशमलव पाँच मेगावाट क्षमता बराबरका कुल १४ वटा आयोजनालाई विद्युत् उत्पादन अनुमतिपत्र जारी गरेको छ ।