काठमाडौ ।
अनुसन्धानको विषय भन्दै आलोचना गरिएको रिलायन्स स्पिनिङको सेयर विवादलाई नेपाल प्रहरीको केन्द्रिय अनुसन्धान विभाग सिआईबीले अनुसन्धान गरिराख्नु पर्ने विषय नरहेको प्रस्ष्टाएको छ । रिलायन्सले प्रिमियम मुल्यमा साधारण शेयर निष्काशनको मिति नजिक आउँदा प्रिमियम मुल्य अश्वाभाविक भन्दै विरोध भएकामा सीआईबीले यो विषयलाई तामेलीमा राख्दै क्लिन चिट दिएको हो ।
वित्तिय विवरणमा कुनै कैफियत नभएको भन्ने धितोपत्र बोर्डको जवाफमा चित्र् बुझाउदै सीआईबिले रिलायन्स स्पिनिङ्गलाई क्लिन चिट दिएको जनाइएको छ । धितोपत्र बोर्डले यहि साउन २४ गते पठाएको जवाफमा चित्र् बुझाउदै सीआईबीले रिलायन्स स्पिनिङ्ग बिरुद्द परेको उजुरी तामेलीमा राखिएको बारे धितोपत्र बोर्डलाई आज साउन ३२ गते पत्र पठाएको हो ।

धितोपत्र बोर्डले प्रश्नको प्रतिउत्तरमा साउन २४ गते सीआईबीलाई ४८ पृष्ठ लामो जवाफ पठाएको थियो । वित्तिय विवरण कसुरपूर्ण रहेको भन्दै उजुरीपरेपछि सीआईबिले धितोपत्र बोर्डलाई जवाफ दिनलाई लिखित निर्देशन दिएको थियो । कम्पनीलाई बुक विल्डिङ्ग प्रणालीबाट आईपीओ जारी गर्न दिएको अनुमति र कम्पनीको वित्तीय रिपोर्ट अनुसार कहीँ कतै कमजोरी नभएको भन्दै धितोपत्र बोर्डले सीआईबीलाई लिखित जवाफ पठाएको थियो । रिलायन्सको वित्तीय विवरण बदनियतपूर्वक भएको नभेटिएकोले थप अनुसन्धान आवश्यक नपर्ने उल्लेख धितोपत्र बोर्डले सिआईबीलाई लेखेको पत्रमा छ ।

‘धितोपत्र सम्बन्धी ऐन २०६३ र सो अन्तर्गत बनेको धितोपत्र दर्ता तथा निष्कासन नियमावली २०७३, धितोपत्र निष्कासन तथा बाँडफांड निर्देशिका २)७४ र बुक बिल्डिङ्ग निर्देशिका २०७७ अनुसार नै मूल्य निर्धारण गरिएको र कम्पनीको वित्तीय विवरण प्रमाणित गर्ने एसएआर एसोसीएट्सले रिलायन्सको २०८०र८१ को प्रथम त्रैमासको प्रतिसेयर आम्दानी ०.९६ पैसा र २०८०/८१ कोप्रति सेयर आम्दानी ३२ रुपैयाँ ९० पैसा प्रक्षेपण गरेको र सो प्रक्षेपणमा धितोपत्र बोर्डमा पटक पटक अध्ययन अनुसन्धान भएको विषयलाई आधार मान्दा उक्त कम्पनीको वित्तीय प्रक्षेपण असम्भव वा बदनियतपूर्ण गरेको भन्न सकिने अवस्था नदेखिँदा धितोपत्र सम्बन्धी ऐन २०६३ को दफा ९७ बमोजिमको कसुर गरेको भन्न सकिने अवस्था नदेखिएको र वित्तीय विवरणमा कुनै पनि किसिमको कसुर नभएकाले सीआईबिले थप अनुसन्धान गरिरहन आवश्यक समेत देखिँदैन,’ धितोपत्र बोर्डले सीआईबीलाई लेखेको पत्रको निष्कर्षमा भनिएको छ ।