काठमाडौः

प्रधानमन्त्री केपी शर्मा ओलीले नेपाल विकासको गतिमा अग्रसर रहिरहेको बताउँदै मुलुकमा दुर्गम भन्ने ठाउँनै नरहेको बताएका छन् । देशभर विकासका लागि आधारभूत पूर्वाधार तयार भइसकेको भन्दै अब त्यस्कै आधारमा समृद्धि हासिल गरिने पनि बताए ।

आइतबारदेखि राजधानीमा सुरु भएको गैर आवशीय नेपाली संघ(एनआरएनए) ग्लोबल कन्क्लेभ तथा वार्षिक साधरणसभाको उद्घाटन गर्दै प्रधानमन्त्री ओलीले देशभर सडक विमानस्थल जस्ता पूर्वाधारले कनेक्टीभिटी बढाएको समेत उल्लेख गरे । सोही आधारमा नै उपलब्ध पूर्वाधार तथा प्रविधिको सदुपयोगमार्पmत मुलुकको विकासको गतिलाई तिव्र पार्न सकिने पनि उनले बताए ।

एनआरएनलाई प्रश्न: महाधिवेशन गर्न सक्नुहुन्छ?

कार्यक्रमलाई सम्बोधन गर्ने क्रममा उनले गैरआवाशीय नेपालीको नागरिकताका विषयमा पनि चर्चा गर्दै त्यसलाई उपयोगी बनाउने बताए । सरकारले यसलाई उपयोगी बनाउन के कस्तो गर्नु पर्छ भन्दै एनआरएनएले सुझाव दिनुपर्ने बताएका थिए । सोही क्रममा महाधिवेशन गर्न नसकेको प्रशँग निकाल्दै एकिकृत हुन आग्रह पनि गरे । उनले भने, “ महाधिवेशन गर्नु पर्यो, खुला सत्र त सञ्चालन गर्न सक्नुहुन्न होला ? बन्दसत्र त झनै कसरी चलाउनु?”

राज्यको नागरिकता सुन तस्करको हातमा समेत पुगेको भन्दै उनले गैर आवाशीय नेपालीलाई दिएको नागरिकता उपयोगी बनाउन सरकारले प्रयाश गर्ने बताएका थिए ।
कार्यक्रममा सवै जसो वक्ताले एनआरएनएमा आएको फुट र त्यसले निम्त्याएको समस्याका विषयमा चर्चा गरेका थिए ।