काठमाडौ,

नेपाल विद्युत् प्राधिकरणले भारतसँगको विद्युत् खरिदविक्रीको सिमितताले विद्युत् आपूर्ति व्यवस्थापनमा सिमितता आइरहेको भए पनि लोडसेडिङको अवस्था भने नआएको प्रष्ट पारेको छ ।

नेपालले इन्डियन इिनजी एक्सेचेन्जबाट दैनिक करिब ५ सय मेगावाट हाराहारीमा विदुत् आयात गर्दै आएको छ । त्यो विद्युत्मा आउँदो आइतबार(मार्च १५ देखि) बेलुका ६ देखि विहान ६ बजेसम्म वद्युत्का लागि विड गर्न नपाउने गरी भारतले सोलार आवर कार्यान्वयन गर्छ । यहि प्रावधान कार्यान्वयन हुने भएकाले नेपालमा रातभर लोडसेडिङ हुने खतरा नरहको नेपाल विद्युत् प्राधिकरणले जनाएको छ ।

मुुलकभर पछिल्लो समय भएको वर्षात तथा हिमपातको असरले जलप्रवाह बढीरहेको छ भने मौसम पनि जाडो र गर्मीको बीचको अवस्थामा रहेकाले विद्युत् माग पनि केहि खस्केको अवस्था छ । यसर्थ हामीलाई हालसालै विद्युत नपुग्ने अवस्था छैन, प्राधिकरणका प्रवक्ता चन्दनकुमार घोषले भने, हामीले यसैपनि आइआइएक्सबाट साँझको पिकमा महँगको पर्ने भएकाले बिजुली खासै किन्दैनौ तामाकोशी कुलेखानीजस्ता आयोजनाले थेगिरहेको हुन्छ, सोलार आवरको प्रावधानले हामीलाई असर गर्दैन ।

१५ दिन पछि भने चर्कन सक्छ समस्या

नेपाल भारत विद्युत् ब्यापारमा आइआईएक्स मात्र विकल्प होइन । दुइपक्षीय संझौताका आधारमा पनि विभिन्न प्रशारणलाईनमार्पmत विद्युत् आदान प्रदान हुने गर्छ । यीनै मध्येको एक हो वर्सेनि संझौता हुने दुई पक्षीय विद्युत् विनिमय समितिको बैठक । यो पटक पनि विगतकै अभ्यासअनुसार गत फेब्रअरी १२ मा दुईपक्षीय विद्युत् विनियम समितिको बैठकको वसी विद्युत् आदान प्रदानको मूल्य १.५ प्रतिशतले बढाउने सहमति गरिएको छ ।

यो सहमतिलाई नेपाल विद्युत् प्राधिकरण सञ्चालक समितिले स्वीकार गर्नुपर्छ भने विद्युत् नियमन आयोगले पनि यसलाई मान्यता दिनु पर्ने हुन्छ । तर यो विषयमा प्राधिकरण सञ्चालक समितिका अध्यक्षसमेत रहेका ऊर्जा मन्त्री दिपक खड्काले अड्को थापिरहेका छन् । प्राधिकरण कार्यकारी निर्देशक कुलमान घिसिडले विना अनुमति यस्तो बैठकमा सहभागी भएको भन्दै स्पस्टीकरण सोधिरहेका छन् ।

अव १५ दिन भित्र स्वीकृत भएन भने चाहिँ विभिन्न १३२ तथा ६६ केभिका अन्तरदेशीय प्रशारणलाइनबाट हुने आयात रोकिनेछ । यसले तराइका विभिन्न लोडसेन्टरहरुमा हुने विद्युत् आपूर्ति प्रत्यक्ष प्रभावित हुने खतरा छ ।