काठमाडौः

बैंकिङ क्षेत्रमा भविश्यका लागि दक्ष जनशक्ति उत्पादन गर्ने लक्ष्यसहित एनएमबी बैंकले छात्रवृत्ति उपलब्ध गराउने भएको छ । बैंकले काठमाडौ विश्व विद्यालयसँग सहकार्यमा एनएमबी नेक्ट जेन बैंकिङ लिडर्स स्कलरसिप घोषणा गरेको हो ।

बैंकका अनुसार सो विश्वविद्यालयमा अध्ययन गर्ने जेहन्दार र प्रतिभावान विद्यार्थीमा लगानी गरी बैंकिङ क्षेत्रमा नेतृत्वदायी भूमिका निभाउने जनशक्ति उत्पादन गर्ने लक्ष्य सहित यस्तो छात्रवृत्ति प्रदान गर्न लागिएको बैंकले जनाएको छ ।

सातै प्रदेशका नयाँ पुस्तालाई समेट्ने गरी प्रत्येक प्रदेशबाट १, १ जना गरी सात जनालाई यस्तो छात्रवृत्ति उपलब्ध गराइने बैंकले जनाएको छ ।