काठमाडौँः
देशको प्रमुख प्रशासनिक केन्द्र सिंहदरबारभित्र आगामी जेठभित्र मेलम्चीको खानेपानी वितरण गरिने खानेपानी मन्त्रालयले जनाएको छ । एकसाता पहिले खानेपानी मन्त्री प्रदिप यादवले सिँहदरबार परिसर भित्र बोटल र जारको पानी प्रतिस्थापन गर्ने प्रतिवद्धता सार्वजनिक गरेका थिए ।

मन्त्रालयको योजना अनुसार सिंहदरबारभित्र रहेका मन्त्रालय, आयोग, निकाय तथा कार्यालयमा आगामी जेठभित्रै मेलम्चीको खानेपानी जडान गरिसक्ने गरी काम सुरु भइसकेको छ । मन्त्रालयका सचिव सचिव ई प्रमिलादेवी शाक्य बज्राचार्यका अनुसार काठमाडौँ उपत्यका खानेपानी लिमिटेड (केयुकेएल) काम सुरु गरिसेको छ ।
हाल मेलम्चीको पानी वितरण प्रणालीको काम तीव्र रुपमा अगाडि बढेको मन्त्रालयका प्रवक्ता एवं सहसचिव मीना श्रेष्ठले बताइन ।