काठमाडौं ।

मिलेनियमन च्यालेन्ज कर्पोरेसन (एमसीसी) ले नेपाल कम्प्याक्टका लागि करिब ६ अर्ब ८० करोड रुपैयाँ थप सहायता प्रदान गर्ने भएको छ ।

जसले कम्प्याक्टको कुल बजेटलाई ७४७ मिलियन अमेरिकी डलर (१ खर्ब २ अर्ब रुपैयाँ) पुर्‍याएको छ ।

२०१७ मा हस्ताक्षरपछि संसदबाट अनुमोदन भएको अमेरिकी अनुदान कार्यक्रम मिलिनियम च्यालेन्ज कर्पोरेसन र नेपाल सरकारबीच भएको सम्झौताअनुसार अगस्ट २०२३ देखि ५ वर्षको समय राखेर परिआयोजनालाई पुरा गर्नुपर्नेछ । सम्झौताअनुसार परियोजनाको कार्यतालिकामा रहेर हाल टेण्डर भइरहेको छ ।

एमसीसीबाट प्राप्त हुने अनुदानबाट हुने आयोजना अन्तर्गत करिब ३१५ किमि ४ केभी क्षमताको विद्युत प्रसारण लाइन र तीन वटा ४ सय केभी क्षमताका सबस्टेसनसँगै ७७ किमि सडक मर्मतको योजना रहेको छ ।