काठमाडौँ
अर्थमन्त्री रामेश्वर खनालले लगानी बोर्डमा प्रस्ताव भएका सम्भव भएसम्मका सबै परियोजनालाई अगाडि बढाउन निर्देशन दिएका छन् । बोर्डको उपाध्यक्षसमेत रहेका मन्त्री खनालले मङ्गलबार सार्वजनिक तथा निजी साझेदारी तथा लगानी ऐेन, २)७५ अनुसारको अनुगमन तथा सहजीकरण समितिको १२ औँ बैठकमा सार्वजनिक निजी साझेदारी मोडेलका त्यस्ता परियोजना अगाडि बढाउन निर्देशन दिएका हुन् ।

बैठकमा लगानी बोर्डका प्रमुख कार्यकारी अधिकृत सुशील ज्ञवाली अहिले बोर्डमा दोस्रो अन्तर्राष्ट्रिय विमानस्थल, रासायनिक मल कारखाना, जलाशययुक्त जलविद्युत् परियोजना, एग्रो भोल्टेक परियोजना, ग्रिन हाइड्रोजन, पोडवेलगायतका प्रस्ताव प्राप्त भएको जानकारी दिएका थिए ।

लगानी बोर्डका सहसचिव हेमराज तामाङले लगानी बोर्डबाट हालसम्म १७ खर्ब १६ अर्ब रुपैयाँ बराबरका ५५ वटा परियोजना स्वीकृत भएको जानकारी गराएका थिए ।। बैठकले वन, जग्गा, मूल्य समायोजन, प्रसारण लाइन, मुअब्जा, स्थानीय तहसँगको समन्वयलगायतका विषयमा देखिएका समस्या समाधान गर्न सम्बन्धित निकायमा आवश्यक सहजीकरणका लागि सिफारिस गर्ने निर्णय गरेको छ ।