जल तथा मैासम विज्ञान विभागले शनिवार बेलुकादेखि सोमबार बिहानसम्म १२ जिल्लामा भारी वर्षाको प्रक्षेपण गरेको छ। ती जिल्लामा उच्च सतर्कता अपनाउन भनिएको छ ।

राष्ट्रिय विपद् जोखिम न्यूनीकरण तथा व्यवस्तापन प्राधिकरणले शनिबार बिशेष सूचना प्रकाशन गरी उच्च सतर्कताका लागि अनुरोध गरेको हो ।

प्राधिकरणका अनुसार लुम्बिनीका बाँके, बर्दिया र दाङ, कर्णालीका सुर्खेत, सल्यान र दैलेख तथा सुदुरपश्चिम प्रदेशका बैतडी, डडेल्धुरा, डोटी, अछाम, कैलाली र कञ्चनपुरमा भारी वर्षाको जोखिम छ ।

यो अवधिमा सकेसम्म यात्रा नगर्न, नदी किनारमा नजान तथा डुबानमा पर्न सक्ने क्षेत्रका बासिन्दाहरु सतर्क भएर बस्न प्राधिकरणले आग्रह गरेको छ। ती जिल्लाका सुरक्षा निकायलाई पनि गृह मन्त्रालयले सतर्क र तयारी अवस्थामा रहन भनेको छ ।