काठमाडौं ।

रुकुम पूर्वको पुथा क्षेत्रमा बन्ने ४४.५२ मेगावाट क्षमताको सानीभेरी जलविद्युत् आयोजना निर्माणका लागि वित्त व्यवस्थापन सम्पन्न भएको छ । सोमबार सटिजन्स बैंकको अगुवाइमा नबिल बैंक, नेपाल इन्भेस्टमेन्ट मेगा बैंक, सिद्धार्थ बैंक र सानिमा बैंकले सहवित्तीयकरणमा लगानी गर्ने गरी आयोजना प्रवद्र्धक एक्सपर्ट हाइड्रो इन्भेस्टमेन्टसँग संयुक्त लगानी सम्झौता भएको हो।

७५ प्रतिशत ऋण र २५ प्रतिशत स्वपुँजीमा यो आयोजना बनाउन लागिएको हो । ऋण लगानीको नेतृत्व सिटिजन्स बैंकको छ । संझौता अनुसार आयोजना निर्माणका लागि सिटिजन्स बैंकले २ अर्ब ५० करोड रुपैयाँ, सहभागी बैंकहरु क्रमशः नबिल बैंकबाट १ अर्ब ५० करोड रुपैयाँ, नेपाल इन्भेस्टमेन्ट मेगा बैंकबाट १ अर्ब २० करोड रुपैयाँ, सिद्धार्थ बैंकबाट १ अर्ब रुपैयाँ र सानिमा बैंकबाट १ अर्ब रुपैयाँ ऋण लगानी हुँदैछ । प्रवद्र्धक एक्सपर्ट हाइड्रो इन्भेस्टमेन्टबाट २ अर्ब ४० करोड रुपैयाँ लागत अनुमानमा आयोजना निर्माण सम्पन्न गर्ने गरी सम्झौता भएको छ।

ऋण लगानीसम्बन्धी सम्झौतापत्रमा कम्पनीका प्रबन्ध सञ्चालक सन्तोषराज नेपाल र अगुवा बैंकका तर्फबाट सिटिजन्स बैंकका प्रमुख कार्यकारी अधिकृत गणेशप्रसाद पोखरेलले हस्ताक्षर गरे ।
सानीभेरी जलविद्युत आयोजना निर्माण सुरु गरेको मितिले ३.५ वर्षमा निर्माण सम्पन्न गर्ने लक्ष्य प्रवर्दकको छ । आयोजनाबाट उत्पादित विद्युत आयोजनाको स्विचयार्डदेखि नेपाल विद्युत प्राधिकरणको बाँफीकोट सबस्टेसनमा करिब २३ किलोमिटर लामो १३२ केभी डबल सर्किटको प्रशारण लाइनमार्पmत निर्माण गरिनेछ। यो आयोजनाबाट सुक्खायाममा ९८.७२७ गिगावाट घण्टा र बर्खायाममा १८२.३८६ गिगावाट घण्टा गरी २८१.११३गिगावाट घण्टा विद्युत उत्पादन हुने आँकलन छ ।

रुकुमपूर्व जिल्लाको पुथा उत्तरगंगा र सिस्ने गाउँपालिकाको वडा नं १४ र २ भएर बग्ने सानीभेरी नदीको पानी उपयोग गर्दै निर्माण गरिने सानीभेरी जलविद्युत आयोजना एक्सपर्ट हाइड्रो इन्भेस्टमेन्टले विकास गर्ने र उक्त आयोजनामा सिद्धि हाइड्रोपावर कम्पनी लिमिटेडको मूख्य लगानी रहनेछ भने बाँकी स्वदेश तथा विदेशमा रहेका व्यवसायी तथा सर्वसाधरण नेपालीको लगानी रहने जनाइएको