काठमाडौं
जेन जी आन्दोलन पश्चात नवगठित सरकारमा सहभागी हुन नेत्र चिकित्सक सन्दुक रुइतले अनिच्छा देखाएका छन् । मंगलबार बिहान प्रधानमन्त्री सुशीला कार्कीले वरिष्ठ नेत्र चिकित्सक सन्दुक रुइतसँग छलफल गरेकी छन मंगलबार तिलगंगा आँखा प्रतिष्ठान पुगेर प्रधानमन्त्री कार्कीले रुइतसँग आफ्नो नेतृत्वको सरकारमा सहभागी हुने बारे छलफल गरेकी हुन ।
तर आफू सरकारमा जाँदा अस्पताल सञ्चालन र विरामी व्यवस्थापनमा असर पर्ने भन्दै सरकारमा आफू नजाने बताएका हुन्
प्रधानमन्त्री कार्कीले विशेष परिस्थितिमा आफूले सरकारको नेतृत्व गर्नुपरेकाले सहयोग गर्न डा.रुइतसँग आग्रह गरेकी थिइन् । जवाफमा डा. रुइतले आफूले सरकारलाई सहयोग गर्ने तर,सरकारमा सहभागी हुन नसक्ने जवाफ दिए । छलफलपछि सञ्चारकर्मीसँग कुरा गर्दै डा. रुइतले आफूले अस्पतालको काम र विरामीलाई छाड्न नसक्ने बताएका थिए।