काठमाडौँ,

केही समयदेखि रेकर्ड ब्रेक गर्दै आएको डलरको भाउले बुधबार पनि रेकर्ड ब्रेक गरेको छ । म‌ंगलबार अहिलेसम्मकै सबैभन्दा धेरै बनेको डलरको भाउले बुधबार पनि अर्को रेकर्ड कायम गरेको हो ।

नेपाल राष्ट्र बैंकले मंगलबारका लागि अमेरिकी डलरको खरिद मूल्य १४२.९८ रूपियाँ र बिक्री मूल्य १४३.५८ रूपैयाँ तोकेको थियो । अमेरिकी डलर एकको खरिददर बुधबारका लागि १४३ रुपैयाँ ५० पैसा र बिक्रीदर १४४ रुपैयाँ १० पैसा निर्धारण गरिएको छ । जुन अघिल्लो दिनक तुलनामा ५२ पैसाले फरक हो ।

अष्ट्रेलियन डलर एकको खरिददर ९३ रुपैयाँ ९६ पैसा र बिक्रीदर ९४ रुपैयाँ ३६ पैसा, क्यानेडियन डलर एकको खरिददर १०२ रुपैयाँ ४२ पैसा र बिक्रीदर १०२ रुपैयाँ ८५ पैसा, सिङ्गापुर डलर एकको खरिददर ११० रुपैयाँ ५६ पैसा र बिक्रीदर १११ रुपैयाँ ०२ पैसा तोकिएको छ । जापानी येन १० को खरिददर नौ रुपैयाँ २० पैसा र बिक्रीदर नौ रुपैयाँ २४ पैसा, चिनियाँ युआन एकको खरिददर २० रुपैयाँ ३० पैसा र बिक्रीदर २० रुपैयाँ ३८ पैसा , साउदी अरेबियन रियाल एकको खरिददर ३८ रुपैयाँ २३ पैसा र बिक्रीदर ३८ रुपैयाँ ३९ पैसा, कतारी रियाल एकको खरिददर ३९ रुपैयाँ ३८ पैसा र बिक्रीदर ३९ रुपैयाँ ५४ पैसा कायम भएको छ ।