काठमाडौ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले १२ विभिन्न जिल्लाका स्थानीय तहलाई विपद् संकटग्रस्त क्षेत्र घोषणा गर्न सरकारलाई सिफारिस गरेको छ ।

ती स्थानीय निकाय बाढी, पहिरो र डुबानबाट अत्यनै प्रभावित भएको निश्कर्षसहित गृह मन्त्री रमेश लेखकको अध्यक्षतामा शुक्रबार बसेको प्राधिकरणको २६ औ कार्यकारी समिति बैठकले यस्तो सिफारिस गरेको हो ।

समिति बैठकले यही महिनाको १०, ११ तथा १२ गतेको भिषण वर्ष तथा बाढी पहिरोले चरम प्रभावित ४० स्थानीय निकायलाई विपद् संकटग्रस्त घोषणा गर्न सरकारलाई सिफारिस गर्ने निर्णय गरेको जनाइएको छ ।

यो सिफारिसलाई समिक्षा गर्दै आगामी मन्त्रीपरिष्दले यस विषयमा आवाश्यक निर्णय लिने प्राधिकरणले जनाएको छ । राहत, पुनर्निमाण र पुनरस्थापनको कामलाई सहज र चुस्त बनाउन यस्तो सिफारिस भएको जनाइएको छ ।

सिफारिस गरिएका स्थानीय निकायहरुमा पाँचथर, ओखलढुंगा, उदयपुर, धादिङ, दोलखा, रामेछाप, सिन्धुपाल्चोक, ललितपुर, काभ्रेपलाञ्चोक, सिन्धुली, मकवानपुर र चितवनका गरी विभिन्न ४० भन्दा बढी पालिकालाई संकटग्रस्त क्षेत्र घोषणा गर्न सिफारिस गरेको जनाइएको छ।