न्युर्योकः
प्रधानमन्त्री केपी शर्मा ओलीले कार्बन उत्सर्जन गर्ने मुलुकले उत्सर्जन नगर्ने मुलुकलाई क्षतिपूर्ति दिनुपर्ने अडान विश्व समुदाय सँग राखेका छन् ।
।

संयुक्त राष्ट्रसङ्घको ७९औँ महासभामा भाग लिन अमेरिकाको न्युयोर्क पुगेका ओलीले शनिबार आयोजित जीवाष्म इन्धनमुक्तीका लागि संसदीय सञ्जालको कार्यक्रममा मुख्य वक्ताका रूपमा सम्बोधनका क्रममा ओलीले यस्तो स्पस्ट मान्यता रहेको बताएका हुन् ।

प्रधानमन्त्री ओलीले नेपालले कार्बन उत्सर्जनमा शून्य योगदान गरेर जलवायु परिवर्तनको असरलाई रोक्न मद्दत गरेको तर विकसित मुलुकको कार्बन उत्सर्जनका कारण नेपालको सगरमाथा र हिउँ पग्लिन थालेकाले त्यसको असर खेप्ने समुदायलाई क्षतिपूर्ति दिइनुपर्ने माग राखे ।

विश्वका विकसित मुलुकले सुखद र सुरक्षित भविश्यका लागि जलवायु अनुकुलनमा लगानी गर्न हिचकिचाउनु नहुने र लगानी तिव्र विस्तार गर्न आवश्यक रहेको बताए । “यो कुरा पोरिस संझौतामा पनि उल्लेख गरिएकै छ, त्यसै बमोजिम चल्नु पर्छ,” उनले भने, “हाम्रो भविष्य सुन्दर छ, किनकि हामीले भविष्यका लागि लगानी गर्दैछौँ ।”