काठमाडौं
सञ्चालनमा रहेका २० वटा वाणिज्य बैंकले दुई महिनामा १७ अर्ब ६९ करोड ९२ लाख रुपैयाँ नाफा कमाएका छन् ।
भदौ मसान्तसम्म प्राइम बैंकले ९७ करोड ४६ लाख, एभरेष्ट बैंकले ८२ करोड ५५ लाख, एनआईसी एशियाले ५७ करोड ७५ लाख, लक्ष्मी सनराइजले ८६ करोड ४६ लाख, सिद्धार्थ बैंकले ६० करोड ५६ लाख, नेपाल बैंकले ६७ करोड ८२ लाख, राष्ट्रिय वाणिज्य बैंकले ८८ करोड ३ लाख, स्ट्याण्डर्ड चार्टर्डले ६० करोड ६२ लाख, नेपाल एसबिआईले ५३ करोड ३९ लाख, माछापुच्छ्रे बैंकले ३९ करोड २५ लाख, कृषि विकास बैंकले ८८ करोड ७० लाख रुपैयाँ नाफा कमाएका छन् ।
सिटिजन बैंकले ५८ करोड ९८ लाख, एनएमबि बैंकले ७८ करोड २ लाख, प्रभु बैंकले ९१ करोड ३२ लाख र सानिमा बैंकले ६८ करोड ९२ लाख रुपैयाँ नाफा कमाएका छन् ।
राष्ट्र बैंकका अनुसार भदौ मसान्तसम्म बैंक तथा वित्तीय संस्थाले २० अर्ब २१ करोड रुपैयाँ नाफा कमाएका छन् । जसमा विकास बैंकहरुको नाफा १ अर्ब ६४ करोड र फाइनान्सहरुको नाफा ८७ करोड रुपैयाँ छ ।
