काठमाडौः

वाणिज्य बैंकहरूले मंसिर महिनाका पुनः ब्याजदर घटाएका छन् । बैंकहरूले प्रकाशित गरेको विवरणअनुसार कात्तिकको तुलनामा मंसिरमा ०.२१७४ प्रतिशतले ब्याजदर घटेको हो ।

कात्तिक महिनामा व्यक्तिगत मुद्दती निक्षेपको अधिकतममा औसतमा ६.१८७८ प्रतिशत ब्याज दिएका थिए । मंसिरमा भने औसतमा ५.९७०३ प्रतिशत ब्याज दिने भएका छन् ।

१ वर्ष भन्दा लामो अवधिको मुद्दतीको व्याजलाई केहीले घटाएर लामो अवधिको निक्षेप आवश्यक नभएको संकेत दिएका छन् ।

बैंकहरुले साधारण मुद्दतीको ब्याजलाई ३.२५देखि ६.७९ प्रतिशतमा सिमित गरेका छन् । यसअनुसार अहिले निक्षेपको औषत ब्यादर ५.५३ र कर्जाको औषत ब्याजदर ९.५८ प्रतिशतमा आएर स्थिर बनेको छ ।

असोज र कात्तिकमासमेत ब्याजदर घटाएका बैंकहरुको ऋणको व्याजदर भने अझै घट्ने अवस्था बाँकी नै छ ।

बजारमा कर्जाको माग नबढेपनि तरलताको चाप स्वव्यवस्थापनको रणनीति अनुसार बैंकहरुले ब्याजमा स्थीरताको नीति अख्तियार गरेका हुन् ।

नबिल, ग्लोबल आइएमईलगायतका बैंहरुको पुसमा पनि कर्जाको ब्याजदर घट्ने देखिएको छ। नबिल, ग्लोबल आइएमई लगायतका बैंकहरुले मंसिरका लागि लामो अवधिको मुद्दती निक्षेपको ब्याजदर ०.५ प्रतिशतले ब्याजदर घटाएका छन् ।

ब्याजदरमा निरन्तरता दिने बैंकमध्ये कुमारी बैंकले कात्तिकमा मुद्दती निक्षेपको ब्याजदर अधिकतम ५.७१ प्रतिशत र न्युनतम ५.०१ लाई मंसिरका लागि निरन्तर गरेको छ ।

हिमालयन बैंकले कात्तिककै ब्याजदर अनुसार ३ महिने निक्षेपका लागि ३.२५ प्रतिशत र १ वर्षसम्मको मुद्दती निक्षेपमा ५.७५ प्रतिशत ब्याज निर्धारण गरेको छ ।

एनआईसी एसिया बैंकले पनि कात्तिककै अनुसार मंसिरमा ३ महिना अवधिको मुद्दती निक्षेपको ब्याजदर ३.५० प्रतिशत, ३ देखि १ वर्ष अवधिको मुद्दती निक्षेपमा ४ प्रतिशत, २ वर्षसम्मको मुद्दती निक्षेपमा ४.१५ प्रतिशत र ५ वर्षभन्दा बढी अवधिको मुद्दती निक्षेपमा ६.७९ प्रतिशत ब्याज दिनेछ ।

ग्लोबल आइएमई बैंकले ६ महिनादेखि १ वर्षसम्म अवधिको मुद्दती निक्षेपको ब्याजदर ०.५ प्रतिशत बिन्दुले घटाएर मंसिरबाट ४.५० प्रतिशत निर्धारण गरेको छ ।

नबिल बैंकले पनि बढी अवधिको मुद्दती निक्षेपको ब्याजदर घटाएरको छ । यस बैंकले ३ देखि १ वर्ष र १ वर्षदेखि २ वर्ष अवधिको मुद्दती बचतमा ५ र ५.२५ प्रतिशत ब्याजदरलाई मंसिरमा स्थिरता दिएपनि २ देखि ५ वर्ष अवधिको मुद्दती निक्षेपको ब्याजदर ५.७५ प्रतिशतबाट घटाएर ५.५ प्रतिशत र ५ वर्ष अवधिको मुद्दती निक्षेपमा ६.२५ प्रतिशत ब्याजदर दिएको यस बैंकले मंसिरमा ५.७५ प्रतिशत ब्याजदर कायम गरेको छ ।

प्रभु बैंकले पनि कात्तिककै ब्याजदर अनुसार मंसिरमा साधारण मुद्दती बचततर्फ १ वर्षमा ५.१ प्रतिशत, १ वर्षदेखि ५ वर्षकोमा ५.६ प्रतिशत ५ वर्षभन्दा बढी अवधिको मुद्दती बचतमा ६.१ प्रतिशत ब्याजदर मंसिरमा पनि दिने जनाएको छ ।

नेपाल बैंक लिमिटेड पनि कात्तिकको व्याज निरन्तर गर्नेमा परेको छ । नेपाल एसविआई बैंक, एभरेष्ट बैंक, एनएमबि बैंक लगायतका बैंकहरुले मंसिरमा पनि कात्तिकै निक्षेपको ब्याजदरलाई निरन्तरता दिएका छन । यस्तै माछापुच्छ्रे, स्टाण्डर्ड चार्टर्ड बंैक, एनमएबि लगायतलेका बैंकहरुले भने लामो अवधिको मुद्दती निक्षेपको ब्याजदर घटाएका छन । मंसिरका लागि नेपाल इन्भेष्टमेन्ट मेगा बैंकले बढी अवधिको मुद्दती निक्षेपको ब्याजदर बढाएको छ ।