काठमाडौ:

अमेरिका भ्रमणमा रहेका अर्थमन्त्री विष्णुप्रसाद पौडेल सहितको अर्थमन्त्रालयको टोलीले विश्व बैंकबाट नेपालको विपत व्यवस्थापनका लागि भन्दे १५ करोड अमेरिकी डलर (२० अर्ब १७ करोड रुपैयाँ)ऋण लिने संझौता गरेको छ ।

विश्व बैंक समूह र अन्तर्राष्ट्रिय मुद्रा कोषको वार्षिक बैठकमा सहभागि हुन अमेरिका पुगेका उपप्रधानमन्त्री एवम् अर्थमन्त्री विष्णुप्रसाद पौडेलको उपस्थितिमा बैंकको केन्द्रीय कार्यालयमा अर्थ सचिव डा. रामप्रसाद घिमिरे र बैंकका नेपाल, माल्दिभ्स र श्रीलंका हेर्ने कन्ट्रि डाइरेक्टर डेभिड सिस्लनले सहायता परिचालन सम्वन्धि सम्झौता पत्रमा हस्ताक्षर गरे ।

बजेटरी सहायताको रुपमा उपयोग हुने उक्त रकम विपद पुनस्र्थापना, पुनरोत्थान र पुनर्निर्माणमा उपयोग हुनेछ अर्थमन्त्रालयले जनाएको छ ।