काठमाडौं:
लूव्र होटल्स समूहको लक्जरी ब्रान्ड रॉयल ट्युलिपले काठमाडौंमाको बुढानिलकण्ठमा क्लासिक भ्यू रिसोर्ट सञ्चालन गर्ने भएको छ । सारोवर होटल्सको व्यवस्थापनमा चल्ने सो रिसोर्ट आधुनिक सुविधा सम्पन्न र वातावरणमैत्री हुने जनाइएको छ ।

व्यवसायीहरु मुकुन्दराज कुँवर, आशिष ढकाललगायतको लगानीमा स्थापित सो रिसोर्टमा रोयल यल ट्युलिप ब्रान्ड पहिलो पटक नेपालमा आवद्ध हुन लागको हो । बुढानिलकण्ठको शान्त वातावरणमा रहेको यो लक्जरी रिसोर्ट त्रिभुवन अन्तर्राष्ट्रिय विमानस्थलबाट केवल ३0 मिनेटमा पुगिन्छ ।

२६ रोपनी जमिनमा फैलिएको यो रिसोर्टले ७५ विस्तारित कोठाहरू, आधुनिक सुविधाहरू र नेपालको प्राकृतिक सौन्दर्यलाई एकीकृत गर्ने गरी डिजाइन गरिएको कम्पनीले जनाएको छ । पाँच सयजनालाई सेवा दिने बैंक्वेट हल, विश्वतरीय स्पा, स्टीम रूम, निजी जकुजी, र अन्य वेलनेस सुविधाहरू उपलब्ध रहेको रिसोर्टले जनाएको छ ।

व्यवसायिक संझौताको हस्ताक्षर समारोहमा सारोवर होटल्सका प्रबन्ध निर्देशक अजय बाकायाले नेपालको लक्जरी बजारमा ब्रान्डको प्रवेशमा उत्साह व्यक्त गरे। १ अर्ब ८० करोड रुपैयाँको लगानीमा निर्माण हुन लागेको यो रिसोर्ट व्यवस्थापनका लागि रोयल ट्युलिप सारोवर होटल्सको औपचारिक हस्ताक्षर मंगलबार नयाँ दिल्लीमा सम्पन्न हुने जनाइएको छ ।