काठमाडौं ।

नेपाली बजारमा आज सुनको मूल्यमा भारी गिरावट आएको छ । लक्ष्मी पुजाको दिन हालसम्मकै उच्च मुल्य कायम भएको सुनको मुल्यमा आज २ हजार ८०० रुपैयाँले सस्तो भएको नेपाल सुनचाँदी व्यवसायी महासंघले जनाएको छ ।

कात्तिक १५ गते लक्ष्मी पुजाका दिन हालसम्मकै उच्चतम १ लाख ७१ हजार रुपैयाँ मूल्यमा कारोबार भएको सुन आज भने आज सुनको मूल्य तोलामा १ लाख ६८ हजार २०० रुपैयाँमा निर्धारण भएको छ ।

त्यस्तै आज चाँदीको मुल्य प्रतितोला तोलामा ६० रुपैयाँले सस्तो भएको छ । आज चाँदी तोलाका २ हजार ३०रुपैयाँमा कारोबार भइरहेको छ । लक्ष्मी पुजाको दिन चाँदी तोलामा २ हजार ९० रुपैयाँमा कारोबार भएको थियो ।