काठमाडौँ,

अविरल वर्षासँगै आएको बाढीपहिरोले भोजपुरमा निर्माणाधीन १९ मेगावाटको दुई जलविद्युत् आयोजनामा ठूलो क्षति पुर्याएको छ । गए राति आएको बाढीले १४.५ मेगावाटको अप्पर इर्खुवा खोला र ४.३ मेगावाटको फेदी खोला जलविद्युत् आयोजनामा क्षति पुर्याएको हो ।

आरती पावर कम्पनीले निर्माण गरिरहेको अपर ईखुवामा बाढीले क्षति पुर्याएसँगै निर्माण कार्यमा खटिएका श्याम चौधरी र रमेश चौधरी बेपत्ता भएका छन् । रामकुमार चौधरीलाई भने करिब १ किलोमिटर तल घाइते अवस्था भेटिएको जनाइएको छ । एक जना स्थानीय महिला पनि बेपत्ता भएकी छन् ।आयोजनाको निर्माणकार्य खटिएका लेवर क्याम्प, क्सर, जडान गरिएको करिब पाँच सय मिटर पाइप समेत बाढीले बगाएको छ ।