काठमाडौं,

उपप्रधानमन्त्री एवं अर्थमन्त्री विष्णुप्रसाद पौडलेले नेपाल राष्ट्र बैंकले जारी गरेको मौद्रिक नीतिले नेपालको अर्थतन्त्रमा विद्यमान समस्याहरुलाई सम्बोधन गर्न सहयोग गर्ने खालको बताएका छन् ।

मौद्रिक नीति सार्वजनिक गरी अर्थमन्त्री पौडेललाई उनको सचिवालयमै भेटगर्न पुगेका गभर्नर महाप्रसाद अधिकारीसँगको संवादमा उनले यस्तो प्रतिक्रिया दिएका हुन् ।मौद्रिक नीति लचिलो र निजी क्षेत्रमैत्री आएको भन्दै उनले यो नीतिले लगानी प्रोत्साहन गर्ने प्रतिकृया दिनुभएको हो ।

“मौद्रिक नीति राम्रो छ । अर्थतन्त्रमा देखि समस्याहरुलाई समाधान गर्न सहयोग पुर्याउने गरी लचिलो रुपमा आएको छ,” अर्थमन्त्री पौडेलले भने, “मौद्रिक नीतिले कर्जा विस्तार गर्न र उत्पादनको क्षेत्रमा लगानी बढाउन सहयोग पुर्याउनेछ ।”

पौडेलले मौद्रिक नीतिले निजी क्षेत्रका उद्योगी व्यवसायीको समस्याहरुलाई समाधान गर्न सहजीकरण गर्ने र थप लगानीका लागि मनोबल बढाउने विश्वास व्यक्त गरे  ।