सुनसरी ।
जनसेवालाई प्रभावकारी बनाउने र वातावरणमैत्री सार्वजनिक यातायात प्रवर्दनको सन्देश दिने गरी सुनसरीमा स्थानीय सरकारले विद्युतीय बस सञ्चालन गर्ने भएको छ ।
सुनसरीको इटहरी उपमहानगरपालिकाले सहुलियतपूर्ण दरमा सार्वजनिक विद्युतीय बस सेवा सञ्चालन गर्न चार वटा बस खरिद गरिसकेको नगरप्रमुख हेमकर्ण पौडेलले बताए ।“ स्थानीय नागरिकलाई यात्राका लागि सहज हुन गरी इटहरीका चारवटै क्षेत्रलाई समेट्ने गरी रुट तय गर्ने काम भइरहेको छ,” उनले भने ।

आगामी असोज १ गतेबाट सेवा सञ्चालन गर्ने योजना उममहानगरको छ छ करोड ३६ लाख ८६ हजारको लागतमा खरिद गरिएको ती बसमा जीपीएस जडान, सीसी क्यामेरा, एसीलगायतका अन्य सुविधाको व्यवस्थापन गरी सूचना प्रविधिमैत्री बनाइएको छ ।
नगर बस सञ्चालनका लागि कार्यपालिका बैठकले वडा नं ६ का अध्यक्ष दिवस पोखरेलको संयोजकत्वमा समिति बनाएर काम गरिरहेको छ ।